پاچای ئەژ کتاوێ “سالهای از دست رفتە” نۊسەر: لاری کرماشانی ئیسکە ئی بیرەڤەریەل تاڵە ئەژ قؤرسان دڵم هەقاتی جەستە نازار و خاک کریاێ ک ڤە نامجا دەخمە ئامانەتی بارنە دەیشت، ڤە بان قاقزێ بێ ئازا مەڕشنم، دەنک سینەم مەیتێ ڤە یەک ڤازا بوو. خوسە زبر و زؤرێ،هانە قەڵبم هایشتەسە ڕپە ک بگر هەر ئیسکە […]
هانە دیارە مەکێ ک ئەڕان بەرگیری ئەژ ڤڵاتمان سەرسؤکی فرەێ ئەنجام گیریاس. ئیمە تا ئیسکە هەمیەتێ ڤەی جەریانە نیاشتیمنە و سەرمان ڤە کەسب کارمان گەرم بییە، ئەمان ڕووداوەل ڤەردەست دڵ نگەرانمان کردێە. من ڤە مەیدان ڕۊەڕۊ کاخ ئمپراتوری، کارگا کەفاشیم هەس. ڤە تەریک ڕووشنا دەم شؤەکی، هالیپا دەر دوکان ڤازم نەکردێە ک […]
ها ناو دیمێ. سەردێە. بخوارییه‌گە کۆشیاسەو. خوەزێا بتوانسیا دەمێ بێاتا! نیەتوانێ. دەسەیلێ هەم‌گیر نیین. ساێدانە یەکا و ها کەێد و نەێدانە بن هەنگلێ. ورسێ زور داسە لێ. سەرپاێە، قەرارێ نیەگرێ. تەم و سەرما لۊت نانەسە درانەوە. زقوم پسا سقانەیل دیمەگە شکنێ. قرچ،پوق، … دەنگ تێد. دەنگ وا، لۊلەی گورگ، ورسگێانە.دێرن نزیکەو بوون. وا پسا […]
هەر ئێواران گوونیێگ کوتا لە کووڵ و رۊەو قەورسان بۊ. ڕیچه‌رمێ قووخن، وەرەنپووز ،کوناێ کوچگ چەوێ ک چەویل قیچ لنگ وە لنگێ داشت ئەولێ ڕیشێ گەڕ گولێگا، پووس دەس و دەمچەو و پووق ملێ هزار لووچ داشت. چمانێ لە زگ داڵگ هە وە ئێ شێوە پێابۊد. ئەوانەگ لە زۊا ناسینەێ هناێ باسێ بۊ گشتێ […]
م تەنیا زانیار ئەو شەوە بیم تاتیلی ئاخر ساڵ وه رێ ره‌سێ. نم‌نم واران لەش بی‌گیان کۊچه‌یل و شه‌قامه‌یل تەر کردۊد و شوردۊد. هه‌ناس دوواره‌یگ له بن داره‌ێل سه‌ر دراورد و بۊده چۊزەیلێگ که شار بردیانه وه‌ره‌و وه‌هار. دۊیه‌شه‌و خاس نه‌خه‌فتۊم هه‌م هۊر قه‌دیمه‌یل خه‌و وه چه‌وەێلم ڕوواکانود. خوه‌زێو هه‌ر ئێ تاتیلێه نه‌ۊاتیاد. تا […]
یەکم تەقیان وەل کار هونەری هەمیشە هەڵگر ئەو هەز و ئاوەختەسە لە ناو هۊرمان ئنسان جیگرەو بوود و وە جور ئەزمونێگ تاق و تەنیا ئڕا هەمیشە لە ناو سەرد ئەژم گری. لە هۊرەو نیەوەم هەنای ئڕا یەکم جار وە هەڵکەفت لە مێرمنالی فیلم جادە لە فێدریکو فلینی دەرهێنەر ناودار ئیتالیایی دیم ئی سەرسۆڕمانە […]
“ماڵ ئیمە” ئاشوورا جا تووپیاین سەگەل پیر بی. جا عشقبازی بەتئاویەل. جا فڕە داین پشیەلێ ک خاو ڤە مەردم حراما کردۊن. ئاشوورا جا بازی ئیمە بی. سەرڤەهارەل یا ئاخرەل پایز ک ئەؤر سێ ئاسمانە مەکپان، باوەم ڤە نامجا ئووتاخە مەناڵان ک: “خودا غەزەبتە ئیمە دۊرا کە. “ ئەمان خودا گووشە قسە باوەم نمەتەکان. لافاوە […]
ساڵ ١٣٧٦ هەتاوی بۊ گ ئامووژگارێگ جوان، هاتێ هڵایە ٢٣ یا ٢٤ ساڵان و خوەش پووش (ئەو ساڵەیلە ئەوەیش لە شارێگ کەمدەس و لە هۊرەو چێ لەوای شاباد، زۆرم ئامووژگارەیل مەژبوور بۊن شواڵ و شەۊ وێڵ وشاێگ بکەنە وەر و دو ویژە شڵنگ وەلێانا بوود، هەر چۊزمانێان چرچ خستە دڵ ئایەم، ئەمان کەسەیلێگ […]
په‌خشان یا نه‌سر له ناوچه‌ێ کرماشان و ئیلام ها له سه‌رده‌مێ گ فره که‌س چه‌وه‌ڕێ وه دی هاوردن جه‌هان تازه‌ێگێه. جمشت خاسێگ له گیان چیرووک که‌فتێه و خاون‌زه‌وقه‌یل فره‌ێگ له‌ێ مه‌سیره هانه ڕێ گ چراخه‌یل فره‌ێگ ئڕاێ ڕووژنایمان بارن. ئه‌مانێگ له‌ێ مه‌سیره گیچه‌ڵه‌یل تایبه‌تێگیش هه‌س. مه‌سعوود قه‌نبه‌ری له خاون‌ناوه‌یل ئێ ڕێه، کوڵ و کوڵبڕ […]
پێشوەتن: ئی چیرووک ڕئالیستیکە ژیان لە ناوەیل دەهەگەیل ٦٠ و ۷٠ خوەرەتاوی وە تەسویر کیشاسن. تام شیرن، داستانێگە وە دی هات زەین نۊسەرە ک بەشێگێ وەلێ تەتیان ڕووژانەیل ئەو دەمە بیە. سەرهاتێگ شیرن و تاڵ لە تاماس و شیرن. ژیان تاماس لە سەرەتاێ ژیان ۱٤ ساڵانوە لە دەسپێک جووخ جوانی دەس وە پێ کریەی تا […]