ناسنامەێ بێ نز کەفتێ / ئه‌شکان میری

گشتمان زانیم، بەڕۊ ناسنامەێ ئیمەس. لە داون زاگروسە ک دیرووک و کولتور و ژیان مەردم ئیمە هەڵ کەفت و سقام گرت. نە تەنیا ئیمە بەڵکەم گیانەوەرەیل فرەێگ لەی چەن هەزار ساڵە لە داوان زاگروس دارە بەڕۊەگانێ ژیان کردنەو دێرن هێمان ژیان کەن.
پارێزان ئی ناسنامە ئەرک ئیمەس، ئەرک با شان تەک وە تەک گشتمان. فەرقێگ نەێری چ ئەو مناڵە ک لە فڵان خیاوان کرماشان هاتۊە دی و تا ئیسه وارەو دارسانەیل پاوە، گاوارە و قەڵاجە و … نەۊد تا ئەو کەسێ گ دێری له لەو ناوچەیله ژیان کەێد. وە داخەوە لەی چەن ساڵە وە بوونەێ بێ دەسەڵاتر و نەزان کاری بەشێگ لە کار وە دەسەیل نە تەنیا ژیان لەی ناوچەیله سەختەو بیه بەڵکەم ئی ناسنامە کەفتیەسە مەترسی وە کیس چۊن.
ئاگر گەورەترینمەترسی گیان دارسانەیل زاگروسە، ک هەر ساڵ وەر بوودە گیانێ و دۊکەڵێ ژیان لە گشتمان تاڵ کەێد و ئاخ دەرۊن لە هەر ئاێەمێگ هەڵسێنێد. وەلێ پرسیار ئەوەسە، ئەڕا لە شوون ئی چەن ساڵە هێمان ئاگر گەش بوودە گیانێ؟
جواوێ گشتمان زانیم! “خەو زمسان” لە لاێ فرەێگ لە کاروەدەسەیل گرێنگ ترە تا نوواگیری له ئاگر گرتن دارسانەیل زاگروس. نوواگیریگ ک لە ئاگر کوشاندن هەم ئاسان ترە و هەم کەم خەرج تر. وە داخەوە دۊنیم هەر ساڵ چەن عەزیز، گیان شیرینێان ئەڕا پارێزان دار بەڕۊ لە دەس دەن. وەلێ هێمان “خەو زمسان” لاێنگرێ فرەترە…

دیدگاهتان را بنویسید

نشانی ایمیل شما منتشر نخواهد شد.