یکشنبه ۱۳ فروردین ۱۴۰۲
/2:41
/6.13M
/
/
کەلیمە تاشم
لە تاش کۊیەگان تازە
له کۊیه‌گان سان شانم
هه‌ناێ خۊن، فغاره ده‌ێد و
واران سۊه‌ر،
ساراگان عه‌ره‌و داپووشنێ
چنمەێان
له نواێ گوله‌پاشەگان شقامەیل شەو
هەناێ مەردم
تیەنێ هناس تازەترەکێگن!
کەلیمە تاشم
لە تاش کۊیەگان تازە
هه‌ناێ کوورپه‌گیایل ئه‌زه‌ڵ
له شوون دۊیه‌ته‌یل ئیسگایل ئاسن و ژین تیه‌ن
تاگەر شه‌وه‌کیانه‌یل شاره‌گان وه‌ره‌و ده‌یشت
لە پشت جیاوازترین خەێاڵ دەیشتەوانەیل
تام وەهار تازەتر بێەی
کەلیمە تاشم
لە تاش کۊیەگان تازە
هەنای کوتر سەونزەیل قول‌بێخاون
لە خوەر، خوەڵ خوەنن و
خڕ خوەن لە خۊن ناوک مناڵەیلێ گ
منەی هسارە کەن
منه‌ێ واران
منه‌ی سروه له ناو داران
