لە باخەیل بێ زام و بێ پەرچین… / چهن شێعر له ئهحمهد ئهڵماسی
1
چەنێ سەختە وە بێ تو لەێرە مەندن
پەشێو بۊدو نەزانی دڵ نەمەندن
هەزار ئەفسووس ئەوسا دی چەخوەیدن؟
هەژاری دڵ خەریدارێ نەمەندن
2
شەکەتم
لەی هەواێگ کە هەر ڕووژ
وەل سێنەمەو
قەریبی کەێد
من دڵم پەرواز تواێد.
3
ژیان جی خوسە نیە
جی فڕینە
تا کەشکەشان
جی واران
جی ئارەزوو
جی تماشاێ مانگ و هەسارەس
جی خوەرەتاوێ بێ سێدارەس …
جی هەنگۊر و ئەنار
لە باخەیل بێ زام و بێ پەرچین…
ژیان
جی خەنە
لە رووژەیل پڕ لە هیواس…
4
له بێ دهنگی و بێ تماشا
دانیشتمه و دێرم
هات بچوو جههان دهورهوه کهم
خیاڵم به ێدهم
گیژاوهیل فرهێگ نیشانم دهی
ههڵهتهیل پر ئاگر
دهیشته یل هامار بێ واران
وڵاته یل ئاوادان
وڵاته یل ویران
زنێ
ئایهمهیل مردێ
ئایهمهیل ئاێهم
ئایهمهیل گهن
ئایهمهیل عاشق
ئایهمهیل قاتل
زهمین چهرخێد و چهرخێد و چهرخێد ….
وه لێ ئاێه م
قهێر دهسهیلێ نیهزانێ
تا گوڵ بکارێ
تا چهم له خیون بشوری
تا ئفریقا له ورسێ نهکوشێ
گوڵاڵه گان ئوروپا وه جههان
پهخشهو بکهێ
ناوهراس خوه ر هه لات
خیون نه رشنێ ….
ههی داد … ههی داد … ههی داد
له بێ دهنگێ ههر هامه گهردیان
مینهی دوست که مو
ههر تهنیا له خیاڵم مینم ….