ئه‌ێ خودا وه‌ێ دڵ بێ تاقه‌ت سزیا چه بکه‌م؟
هامه ئێ شار غه‌ریبه ته‌ک و ته‌نیا چه بکه‌م؟
یه چه بی هاته سه‌رم؟ یه‌ێ ده‌فه وه‌ێ که‌فته وه‌رم!
که‌فتمه وه‌ردڵه‌ک بۊچگ و گه‌ورا چه بکه‌م؟
وه‌ێ وڵاته که‌س نییه سفره‌ێ دڵم واکه‌م ئڕاێ
ئاخ م گه‌رد دڵ بێ که‌س شه‌یدا چه بکه‌م؟
له ده‌س غه‌م شه‌که‌ت و هه‌م وه‌ڵه‌که‌ت بیمه عه‌زیز
دی ئه‌لان که‌فتمه‌سه هه‌ر وه‌ر توکپا چه بکه‌م؟
ئه‌ێ هه‌وار ئییه چه بی؟ یه‌ێ ده‌فه قه‌ڵماسنگ زوور
خسته‌مه ئێ گوڵه جا له‌ێ په‌ڕ دنیا چه بکه‌م؟
شار شیرین م دی غه‌رقه له نه‌و ئاگر و خۊن
وه‌خته شێتم بکه‌ێ ئێ زۊخه وه مه‌ولا چه بکه‌م؟
ئه‌ێ خودا چاره‌یێ م چه‌س له ده‌س بار عه‌زاو
م نیه‌زانم چه بکه‌م وه‌ێ دڵ شکیا چه بکه‌م؟
