شێعرێگ له‌ مه‌جمووعه‌ شێعر وه‌فرینه‌گان / جه‌هان چوه‌ێ تنه‌ نازار!؟

 

ته‌نیایی، په‌ێغه‌مه‌رێگ بۊ

هه‌ر ئێوارێان له‌ کتاوێ که‌فته‌و خوار

م وه ئایین ته‌نیاییچه‌نێ ئیمانِ نوو بارم؟!

ئه‌منیه‌گان نوو تا سوو،

وه‌پووتینه‌یل وه‌فرینێگ

له‌ ناو وه‌مه‌یلِ نیشتمان،

منه‌ی مه‌رزه‌یل ئایین که‌ن

ڕێ شووڕ تاوسان،

وینه‌ێ گیس ت، شووڕ،

ئه‌منیه‌گان به‌ێ تا نیه‌زانم؛

تا مه‌رزێ گ چه‌وه‌یلد،

له‌ ئه‌زه‌ڵ،له‌ ناو سینێ م کیشاۊن!

ت ئامووزاێ چوه‌ێ جه‌هانی،

گ کلیل تمام ڕووژه‌یل نه‌هاتێ،

ها له‌ ده‌سه‌یلد؟!

ت چوه‌ێ جه‌هانی ئامووزا گیان!

گ ده‌لیاگان

وه‌ چه‌وبه‌سانده‌وجه‌زر به‌سن و

خوداگان ئاتن

هووکاره‌ێ هاتن بوون؟!

جه‌هان چوه‌ێ تنه‌ نازار!؟

م وه ئایین ته‌نیایی

چه‌نێ ئیمان ِ نوو بارم؟!

 

جه‌لیل ئاهه‌نگه‌رنژاد

دیدگاهتان را بنویسید

نشانی ایمیل شما منتشر نخواهد شد.