پنجشنبه ۰۶ مهر ۱۴۰۲
/2:26
/5.56M
/
/
هه‌ناێ وه‌ره‌و ت هاتم، که‌لیمه هات!
ئێوارێان وه بێ ت
کۊچه‌گان بی ده‌روه‌چ گه‌ز که‌م
نیمه‌روان
کتاوه‌یل سفر عه‌تیق،
شه‌وه‌گیان
ماڵ باڵابه‌رزێگ له چوارم هجری
جه‌هان له نوو توان پڕه‌و بکه‌ن
له ده‌یشته‌وانه‌یل ویل تیسفوون
له ئه‌ڵوه‌نێ گ هه‌ێمان
له رووباره‌یل گیانم
رشێده خاک بێ‌خه‌سره‌و
له تاقێ گ بوو که‌سرا له لێ هات!
له ڕشیانه‌یل مێژوو
له په‌ێغه‌مه‌رێلێ گ
وه گژ داره‌یل زاگروسه‌و تاوه کردن!
…
شه‌وانه
له ناو له‌ش خه‌و
ئه‌ول ئیساگانا،
ئیسگاگان بێ بن زه‌ۊ گه‌ردم
چه‌مه‌نده‌فه‌ر فره‌ێگ
له ڕووباره‌یل خۊنم
پشنمه ده‌یشته‌یل بێ ده‌یشته‌وانا
ته‌نیا هه‌ناێ وه‌ره‌و ت تییه‌م،
واران وارێ
وا وارێ
که‌لیمه وارێ
شێعر وارێ …
***
ته‌نیا هه‌ناێ وه‌ره‌و ت هاتم،
چه‌ن گه‌ز! ته‌نیا چه‌ن گه‌ز! دامه‌و ده‌م دنیایا!
