پنجشنبه ۰۶ مهر ۱۴۰۲
/3:51
/8.81M
/
/
پاد لاوە په‌ێغه‌مه‌ر جومڵه‌گان ئلتزامی!
تا خوەم لە خوەم تەکنم و
دەروەچێ چەکنم و
دار سییه‌ێگ شه‌کنم،
چووڵیێگ که‌فێده ژێر پام!…
خەڵەتیان، دۊەت‌ئازەوێگە گ
لە ژێر دەروەچەگان
چەو قرپنێد و
کەڕاکەێ دڕاکەێ
تاگەر
هەرچێگ ئوورشەلیم ها له لیم
بڕشیەێدە
مەنزوومەێ هەتاویێگ
لە سەرباژار زەخمەیل جەهان.
یاگه‌ر ئه‌ول له‌شکه‌رێک له ئاشوورا
تمام پرتووکه‌یل مێژوو فه‌تح بکه‌م و
تمام شاگان سرۊت و نان
له بان پرتووکه‌گان سیته بکه‌م و
هه‌ر چێ چاڵینه به‌رزه‌و بوود…
میدیاگان نیمه‌گیان
له زوان پێیاێ نیمه‌ژێیاێیگ تا سوو هاوار کردن:
«چووڵیێگ ها ژێر پام»
پاد لاوە هەێ خوداێ که‌لیمەگان سفر وه دی هاتن!
په‌ێغه‌مه‌ر جومڵه‌گان ئلتزامی!
تلیقیامە
لە وینەێ ئاێەمەیل نمازخوه‌ن دەس درێژ!
له چقیان گییان له سۊگ ماڵێگ
له دنیاێ پیر باپیرم…
ت تەنیا زانی دەروەچ بوەسید و
کولاوانجه بتاشید و
ده‌سه‌یل دڕا بۊنید و
خێزان شاگان قه‌جه‌ر شماره بکه‌ید!
منیش
له چووڵییه‌یل کتاوه‌یل
له سه‌ردییه‌یل ئێواره‌گان عه‌هد عه‌تیق
له تیه‌ڵییه‌یل سه‌راوه‌نۊنی
له هۊر دۊەتەگان ئوورشەلیم بووم
