مجموعه شعر گوڵه‌م ده‌رۊنم اثری از اله مراد جباریان
گوڵه‌م ده‌رۊنم نام مجموعه شعری از فعال فرهنگ و ادبیات کوردی در اسلام آباد غرب: اله مراد جباریان است که به اهتمام نشر باشور به بازار چاپ و نشر آمده و در تیراژ سیصد جلد و در 98 صفحه در اختیار علاقمندان به فرهنگ و ادبیات قرار گرفته است.
جباریان همانطور که در ابتدای این خبر آمده سالهاست در وادی زبان و فرهنگ کوردی کوشیده است. وی درباره زندگی ادبی خودش به زبان کوردی این چنین نوشته است:
بڕێ له دوسان لیم توواسنه كورته‌ێ له ژیاننامه خوه‌م بنۊسم، هه‌رچێ هۊره‌و كردم و په‌ڕه‌یل رۆژ ژمار ئمرو خوه‌م په‌ڕه‌دام چشتێگ قابل باسێ نه‌ێمه‌و، ناچار وه‌تم با له سالێگه‌و ده‌س بكه‌مه نۊسان گ له دایگ بۊمه. یانێ١/١/١٣٣٨ ئه‌و ساڵه‌ێگ ئڕاێ هۊچ كه‌س بێجگه باوگ و داڵگم گرنگ نه‌ۊ، ك وه قه‌ول خوه‌ێان خودا دیاری داده پێان.
له ته‌مه‌ن هه‌فت ساڵه‌گی چیمه قوتابخانه، تا پۆل سێم ناوه‌ندی له شار جوانه‌گه‌ێ كرن ده‌رس خوه‌نم. دۊاێ ئه‌وه وه خاتر گیرو گرفت مالی باوگ هاتیمنه شاباد، له ئێره‌نیش تا پۆل دوانزه ده‌س خوه‌نم. ئه‌و ساڵه هاو كات بۊ وه شورش گه‌له‌یل ئێرانا، ێه‌ێ ساڵ دۊاێ شووڕش یانێ سالێ ١٣٥٨تا ساڵی ١٣٦٠له سنه و مه‌ریوان سه‌رباز بۊم.
هه له ئه‌وره بۊ گ وه‌ل ئه‌ده‌بیات وه ئه‌دیبه‌یل كوردا ئاشنا بۊم، هاتێ باوه‌ڕ نه‌كه‌ین نزیك وه بیس ساڵ چیروك و په‌خشان كوردی و فارسی له هه‌ڵبه‌سوانه‌‌یل و چیروك نۊسه‌یل كورد و فارس خوه‌نیم.
ێه‌ێ جار نه‌ێاده هووكما چه‌ن كر بنۊسم؛ تا گه‌ر شه‌وێ له ماڵ یه‌ێ دوس خاس كووه‌و بۊمن. نۊسه‌ر به‌ناوبانگێ هاتۊد وه‌ته ئیمه «بنۊسین! هه‌ر چێگ نۊسین بنۊسین!. م موقه‌ده‌مه ئه‌ڕادان نۊسم»
قسیه‌ێ ئه‌و پیاێ گه‌ورا بۊیه هووێگ ئه‌ڕاێ سیه‌و كردن چه‌ن لاپه‌ێ قاقه‌ز. ئه‌ول خوه‌ما وه‌تم : م گ توواێ بنۊسم، ئه‌ڕا وه زووان داڵگی نه نۊسم؟!
له كاته‌و تا ئێره‌نگه له ئێ بۆاره‌و كار كه‌م. یه‌گم كومه‌كه چیروك وه ناو (مه‌ته‌یله‌یل وه بیرو باوه‌ره‌یل تایبه‌ت وه ناوچه كرن) وه هاوكاری ئنیسیتو كه‌له‌پۆر كورد له چاپ دام. كومه‌لێ هه‌ڵبه‌ست وه ناو (كه‌پو) ئجازه‌ێ به‌ڵاوه بۊنی گردمه، ك هه‌رگز له چاپ نه‌ێرێاد. وه له حاڵ حازریش كومه‌ڵه چیروك كورت كوردی به‌شێوه‌ێ فه‌راڕه‌واێه‌تی وه ناو (هۊرمانه‌یل دازڵكێاێ) ها له ژێر چاپ، هێوا دارم وه دڵ دوستان بوود.
جێا له ئی كاره كار تره‌ك وه هێمه‌ت یه‌كێ دووسیل وه ناو (پیره بڕنه‌و) ها ده‌س ویرایشه‌و ك ئه‌گه‌ر خودا ده‌ر‌فه‌ت بێیه‌ێ له ساڵ داهات له چاپی ده‌یم. وه تازه‌گی گوڵه‌م ده‌رۊنم له ئنتشارات باشوور چاپ بۊه