یکشنبه ۱۳ فروردین ۱۴۰۲
/3:00
/6.87M
/
/
…وه‌تم:ئڕا؟!
وه‌تن: ده‌مد بوه‌س!
به‌سام و وه‌تم:
ما ئمئمام ئه‌مئیم
م ئمئمام ئه‌مئیم
ده‌رفه‌ت فره‌ێگ
له ده‌فته‌ر ئێواره ڕشیا
م له‌و په‌ڕان پیره خواردم!
په‌ڕان باپیرم!
په‌ڕان پنج تیر هه‌فت به‌ن کوش
په‌ڕان کڵ کوش تاش ئێواره‌گان به‌ره‌که‌و
ت لێوه بۊد و
ده‌م به‌ساید
م لێوه بۊم و
ده‌م داچه‌کانم
وه‌ڕاس
خۊن له ناو که‌لیمه‌گان م بۊ
یاگه‌ر له ناو ساچمه‌گه‌ێ په‌ڕانه‌گه‌ێ باپیران؟
هه‌ناێ په‌نج دانه‌و ده‌م هه‌فت و
هه‌فتسه‌ره‌یل سییار،
نماز بێ ئقامه خوه‌نین
نماز بێ وزوو!؟
هه‌ێمان
خۊن له لیم تێ
له سه‌رم،
سه‌کوتم،
سقانه‌گه‌ێ ئێواره و
سفره سییه‌گه‌ێ باپیرم
له وه‌رداوان واگان قادسییه و
که‌مچانه‌یل کلیل و
گوڵوه‌نی دۊیه‌تێگ له رووژئاوا
سات چه‌ن په‌ڕانه‌گه‌ێ باپیرده باوان!؟
ساتت چه‌نه!؟
…
له به‌ختمان شه‌و بۊ؛ ته‌و بۊ!
وه‌تن: ده‌مد بوه‌س!
به‌سام و وه‌تم:
ما ئمئمام ئه‌مئیم م ئمئمام ئه‌مئیم
