شعرهایی که برای گویندگی جایزه نرمه واران انتخاب شده اند!
علاقمندان گویندگی کوردی
با آرزوی موفقیت برای شما لازم است گفته شود که در هر دوره اشعاری از شاعران کورد در دو استان کرماشان و ایلام برای رقابت در چنین جایزه ای برگزیده می شود. در این انتخاب که با اجماع نظر دبیرخانه جایزه تایید و آماده ارائه می شود، سعی در این است که تلفیقی از اشعار شاعران پیشین و امروزین باشد. بعلاوه در این دوره چند شعر برگزیده جوانان صاحب ذوق به این مجموعه افزوده شده است. شرکت کنندگان محترم در جایزه گویندگی (بۊشه‌ری) نرمه واران لازم است که از ده شعر حاضر شش شعر را انتخاب و ضبط کنند و برای دبیرخانه جایزه بفرستند.
شماره های واتساپ ارتباط با دبیرخانه برای ارسال فایل‌های صوتی :
09024789969
09182071330
09187552696
1
شوکرانه‌م پێد بوو بیناێ بان سه‌ر
کووره گڵاڵان لافاو گرته وه‌ر
شوکرانه‌م پێد بوو که‌س سڕ نه‌زانا
سفێد په‌ڕ له رۊ سه‌رزه‌مین شانا
شوکرانه‌م پێد بوو هه‌ر وه‌خت مه‌یلت هه‌س
وه بێ نم سه‌ونز که‌ێ گوڵان که‌ڵ مه‌س
شوکرانه‌م پێد بوو سایه‌قه‌ێ نه‌سیم
سه‌ر تیه‌تان کردیه وه تڵاو وه سیم
شوکرانه‌م پێد بوو ئاو شه‌و ماسن
ئاقاێ عزرائیل به‌نی ئایه‌م تاسن
شوکرانه‌م پێد بوو ئه‌ێ بارئلاهی
زه‌مین یه‌خ به‌ساس تا گاهـ ماهی
ماهی ها وه بان گورده‌ێ نه‌هه‌نگێ
نه‌هه‌نگ ها وه بان به‌ربه‌ر سه‌نگێ
ئه‌و سه‌نگه ها بان تێخ فه‌ره‌نگێ
په‌یوه‌سه له بان زوان له‌نگێ
وه شه‌و مه‌سازوو میل سووهان ساو
وه رووژ مه‌تکێ قه‌تره قه‌تره‌ێ ئاو
دیوان شاکه و خان منصور
2
عه‌زیزان ماهـ روخسارێ ژه قه‌وس ئه‌بروان تیری
وه جه‌رگم ئاشنا که‌رده‌ن نه‌دارم هیچ ته‌قسیری
وه ناخۊن سینه شووم کردم وه‌شانم به‌زر مهر تو
وه داس ئه‌بروان دروید جگه‌ر کردم و قه‌لبیری
یه‌ک عومره پاسه‌بانی که‌م ژه ده‌ور خرمه‌ن حوسند
وه سه‌د مه‌ن گه‌ندۆم گووناد جوی ناده‌ی و وه‌رزیری
ژه عه‌قڵ و عشق حه‌یرانم نه‌زانم قه‌وڵ کامین که‌م
نه عشقم پیم ئه‌دا موهڵه‌ت نه عه‌قڵم کات ته‌دبیری
روخ زیباێ شیرین بی وه خوون کووهـ که‌ن باعس
وه‌ها سەیاد ته‌رده‌س بی سه‌ید به‌رچی و نه‌خجیری
سه‌ی یه‌عقووب مایشتی
3
بڕشن دواره بڕشن ، ساقی دڵم که‌واوه
شێتم که تا نه‌زانم، زانستنم عه‌زاوه
بڕشن دڵ تو خوهش بوو ساقی ئه‌گه‌ر م دیمه
که‌س گیان وه ده‌ر نیه‌وه‌ێدن له‌ێ ساڵ نا سه‌واوه
کوڵیامه و برشیامه ئێ ده‌رده که‌س نیه‌زانێد
ئه‌شکم له تاو دۊریت ، هه‌م ئاگره هه‌م ئاوه
زانی ئه‌گه‌ر توامه‌د کارێ که دڵنیا بووم
وه‌ختی وه لاده‌مێگه‌و ئۊشی نه‌چوو جواوه
گونا وه ژیر زوڵفد بیلا بکه‌ێ خوه‌رئاوا
بوومه خڕ چه‌وه‌یلت جارێ چ وه‌خت خاوه
ده‌ردم که‌سێ نیه‌زانێ ، داخم له بێ‌که‌سی خوه‌م
ته‌نیا م چۊ بکیشم ئێ هه‌مگه ناحساوه
ئۊشم دڵم هه‌ڵاکه تا دهس بنه‌ێده تاڵان
ئۊشد حه‌یا که «په‌رته‌و» دهس له‌ێ قسه‌یله لاوه
په‌رته‌و کرماشانی
4
بولبوڵ گوڵزار عشقم باڵ په‌روازم نییه
تا وه سووز دڵ بناڵم که‌س هه‌م ئاوازم نییه
ره‌نجه له خار فراقم راحه‌تی به‌خشم کووه
ئارزوو دار وساڵم یار ته‌ننازم نییه
ده‌رده‌دارم! رۊ وه کی که‌م تا ک ده‌ردم چاره که‌ی؟
راز دڵ ئفشا وه کی که‌م چۊن ک هه‌مڕازم نییه
تا ک بردی دڵ وه ده‌ستم عه‌قڵ و هووشم چێ وه سه‌ر
له‌و چاو خوماره مه‌ستم میل به‌گمازم نییه
یا له وه‌سڵێ زنده‌گی که‌م یا له هجرانێ مرم
غه‌ێر یه چشتێ تره‌ک ئه‌نجام و ئاغازم نییه
حافز کوردی زوانم نه‌زم من بورهانمه
شار کرماشان عه‌زیزان کم له شیرازم نییه
شعرکوردی هه‌ریه‌سه ئه‌رخاسه ته‌مکین یا خراو!
دی له یه بهتر چه بۊشم سحر و ئعجازم نییه
تمکین کرماشانی
5
یه‌ێ ڕووژ له ڕێیا لابگره ماڵ خراوم
تا ده‌وڵه‌ت و ئقبال بیه‌ن سکه وه ناوم
ئه‌ێ سه‌وزه که‌ژڵ چه‌و سواو ت بنۊسن
سه‌وزم بکه یه‌ێ ڕووژ و بنه پا سه‌ر چاوم
ناوم وه قیامه‌ت عه‌وه‌ز ناو تو ئۊشم
تا گشت گونایل ت بنۊسن وه حساوم
شه‌و چۊ بچمه خه‌و وه هه‌واێ شه‌هد وساڵت
یه‌ێ قافڵه شیرین و شه‌که‌ر سه‌ر که‌نه خاوم
داغانه له ته‌ڵخاو غه‌م و غوسه ده‌رۊنم
تا که‌ێ کز و گوپ بام که شیرینه شه‌ڕاوم
سێنم غه‌م و ده‌رد تو وه گیان تا کوڕ هه‌وماڵ
چه‌وترسه نه‌یه‌د باز وه پوول و وه په‌ڵاوم
هه‌ر که‌س خوه‌شه بهزاد! وه دنیا وه نه‌سیبێگ
یاران وه کتاوێ خوهش و من مه‌یله کتاوم
یدالله بهزاد
6
شەو تیەریکانەو دەمم بەسانه
هەوا تووزو تەم، زڵمانزاکانه
ئەمان ئەمانه، لەێ کرماشانه
سه‌د تیر° دژمن ها لە ئێ گیانه
مەڵهەم° بان° زامێان تنی
لەێ چراخەیله، کامێان تنی؟!
لەێ بان° کۊێەێ سیەێ پەژاره
لەێ ئاگربارە، لەێ دەیشتەێ تاره
وە چەو سەرشێتەیل، نووڕم وەێ شاره
ئێره باخ° سێــــف، یاگەر ئەناره؟!
ئەناره یا سێف، تامێان تنی…
لەێ چراخەیله، کامێان تنی؟!
چەن ساڵە تا سوو، ڕەو ها خەوم، ڕەو
کڵاش لە گیرفان، چەوەیل لە وەرقەو
جادەیل° جەهان گەردیمه هەر شەو
تا کەێ پەشێوی؟! ئاسمان کەو؟؟؟
چەوەیلم ڕەم کەن، ڕامێان تنی…!
لەێ چراخەیلە، کامێان تنی؟!
لەشکەرێ جەسەم، خۆەد گیانێانی!
خـــۆەد وە کۆردیێەو، نیشانێانی!
لەێ وشکەساڵە، وارانێانی
باوانەگەم! خۆەد باوانێانی
شراو چەن ساڵەێ جامێان تنی
لەێ چراخەیلە، کامێان تنی…؟!
جلیل آهنگرنژاد
7
تێخم ده خوەمۊ، ئەگەر سەرم دا نامە
ئەر نامە دە ئئ دامە، وە خوەش پا نامە
نەشنەفتنە ئەر نام مِ دەێ بەزمە وە ڕەزم
کەێ نام “گیا” ها دە پەڕەێ ” شانامە ”
دەو ساڵە کِ ئاسمان ئەڕامان واری
یەێ کوومە دە ئەور ئەڕا تو ئەولا نامە
دی خەت نیەخوەنم ، نیەنۊسنم ، چۊ کوورێ
خەت دامە قەڵەم ، دڵ دە ئەلفبا نامە
ئەو پاکەتِ بێ تەمرە کِ خواسی بێڕی
یەێ دەف بخوەنەێ ،نامِ خودا ها نامە
تا دینِ تو چەو ؟ هەرچگە هەس پوڕیمن
دەێ مەزگتە مەعبەد و کلیسا نامە
خەو ، خەو نیە ،یا هوو هووە یا کوو؟، کوو؟ ،کوو؟
هەر شەو “کەپوێ” ها دە سەرم ، “هانامە”
دەێ دەیشتە نە مەل جمێ نە ئەورێ وارێ
ئئ داوڵە وێڵە دی ئەڕا “وا” نامە
ڕا قامەت چۊ قێامەتت مردگمە
ئئ جوورە منیشە دڵ دە دنیا نامە
نورمراد رضایی
8
ئه‌و یار گوڵ جه‌مینه، هه‌ر چ بکه‌ێ ره‌نگینه
ده‌ردێ فــره گـرانه ، داخــێ فــره سـه‌نگینه
هه‌م دین زاهده‌یل برد هه‌م شێت کافره‌یل کرد
زوڵفێ گوڵاو مه‌که‌س ، چاوێ شه‌راو چینه
تا دهس ئه‌ڕاێ ده‌سد به‌م؛ ئیمان خوه‌م له دهس ده‌م
سه‌د جـاره ئـۊشمه خوه‌م یه جار ئـاخرینه
به‌خت سییه‌ێ م ته‌نیا ئه‌و زوڵف شووڕه زانێ
ئاخر وه گه‌رد زوڵـفد چاره‌ێ منیش ره‌ژینیه
گوڵ زار یا بێاوان فه‌رخێ نیه‌که‌ێ ئه‌ڕامان
دنیا چمـان کـه‌لاوه‌س وه‌خـتێ دڵـد خه‌مینه
نه دڵخوه‌ش دیارم ، نه چاوه‌ڕێ وهارم
یه‌ێ ئومره کار و بارم هاوار و گه‌رمه‌شینه
خه‌م کوشته‌م و سزانه‌م، خه‌م له بنا رمانه‌م
زه‌خمه‌یل که‌س مه‌زانم دی تا سقان ره‌سینه
داخ دڵ خـراوم یـه‌ێ ئومره کـه‌س نیـه‌زانێ
ئه‌سره ک ها له داوان زۊخه ک ها له سینه
ئـۊشن خه‌مێ ئه‌گه‌ر هه‌س، تاڵه‌ی ژیانه گشتێ
یه که‌ێ ژیانه گشکه‌س یه عین گیان که‌نینه
له‌و رووژه ک ت دیمه دی له چه‌و م که‌فتن
هه‌م هه‌رچێ گوڵ جه‌مینه هه‌م هه‌ر چێ نازه‌نینه
محمدجواد جلیلیان
9
قەسەم وە کی بخوەم بۊشم لە گیانم دی شەکەت بۊمە
لە دڵ پۊترکیامە و لە سقانم دی شەکەت بۊمە
دەمم سانێ لە تێ زایە تکانێ کەس نیەێدن دی
م حاڵ قسیە نەیرم لە زوانم دی شەکەت بۊمە
خوەشم تێدن بچم چۊ کەوترەیلێ ک لە شانم چێن
م دی دەس ڕەێ وسان نەێرم ؛ لە شانم دی شەکەت بۊمە
چنەو سان کەفتە خوارەو لیم ک دی ڕەد نیەو کەسێ لەێرە
وە پیم ئۊشن کۊیەێ لێوە ؛ لە سانم دی شەکەت بۊمە
لە خۊن سڵ کەفتێیەو هەر کەس ڕەسێدن دەێدە لێ شانێ
م ئابادی کەڵێنێگم لە خـــانم دی شەکەت بۊمە
بێیەن مزێانی ڕمیان م ئەو ناڕەفیقەیلم
لە زووران ژیانا خوەم ڕمانم… دی شەکەت بۊمە
تەقەێ کەوش ژنانەێ هەم لە دۊرا تێد ؛ خوڵکم کەێ
بفەرما پەیک تازەێ عشق…_نە خانم دی شەکەت بۊمە !
ماجو مهری
10
کی چراخێ بێگه م ئێ کۆچه تا ئاخر شه‌وه
له‌رزه له‌رزێ ها قـوله‌ێـلـم چۊ قراولٌچی ته‌وه
هـــه‌م قــه‌زاسه و هه م به‌ڵاسه ، پێچیاسه بـختِ م
دڵ نیه وه‌خـتێ ک ِ دۊنێ ئـێ پـلێچ ِ لـه‌و لـه‌وه
هـه‌ێفــه را عــومــرئ کِ تالانِ پــه ژاره بــرده سـه‌ر
مامه چــۊ قــایــق هروش ِ ده‌ێ ته‌نۊره‌ئ گـرده‌وه
مانگ و ئاســاره گومن، خوه‌ر گیریاگه ، دڵ ته‌مه
ئـاسمان کامتـان چـۊ ساڵ ِ ئـه‌و جـارگ که‌وه
قیـژ قــاژ ِ قـاژه یا قیڕه ئ قـــڵا یـا شیـــن ِ بـــۊ
ناسه یه‌ک کان و که‌ن و هاماری و هه‌رچگ که‌وه
یه‌ێ زه‌مان برۊه وو بژانگئ ئاره ش ِ گیان م ِ بۊ
لاڵ و کوور و که رخوه‌مم، دی نیه‌شنه‌ون راوه ئ ره وه
شــاێری داخ ِ سیه‌گه، روشنایِ ده‌ێ نییه
کی چراخێ بێگه م ِ ئی کۊچه تا ئاخر شه‌وه
عبدالحمید یعقوبیان